In zonte a ce che al è stât fissât ai 23 di Avrîl in rivuart aes ativitâts didatichis, di laboratori e ai servizis, a vegnin dadis fûr chestis gnovis indicazions.

1) I esams di profit pes sessions programadis pai mês di Jugn e Lui 2021 si davuelzaran in presince, dut câs i students che a son a stâ fûr e chei che par motîfs valits no rivin a vignî in sede a podaran ancjemò fâju a distance.
In câs di particolârs dibisugnis didatichis e logjistichis al sarà pussibil fâ provis a distance daspò de autorizazion de bande des Diretoris o dai Diretôrs dai dipartiments.

2) I esams di lauree de session ultrastraordenarie (a.a. 19/20) e estive (a.a. 20/21) si davuelzaran in presince. E sarà dut câs garantide la pussibilitât di fâju a distance.

3) Lis visitis organizadis difûr dal ateneu in aziendis, ents o istituzions a puedin tornâ a tacâ intal rispiet des disposizions de Universitât e dai protocoi di sigurece metûts jù de bande dai sogjets che a dan acet.

Par vê plui informazions tal detai si rimande aes pagjinis web dai singui cors di studi.