Tal incuintri dai 9 di Avrîl dal 2005 su la atualitât de NOZION FRIÛL al è saltât fûr l'interès di lâ plui a fonts di diviersis tematichis cun voglade teritoriâl. Il grup di lavôr che al è stât metût in pîts, dât dongje dai professôrs Cristiana Compagno, Giovanni Frau, Roberto Grandinetti, Francesco Marangon, Carla Marcato, Cesare Scalon, Umberto Sereni, don Nicolino Borgo, don Pierluigi Di Piazza, il dot. Giorgio Ferigo e Silvana Schiavi Fachin, si propon di dâ vite a dôs ocasions di dibatiment: "Il problema dell'energia: effetto N.I.M.B.Y.", par joibe ai 23 di Març dal 2006, aes 16.00, te aule 7 di Palaç Antonini (vie Petracco 8) e la "Fieste de Patrie dal Friûl", sabide al 1n di Avrîl, aes 10.30, te sale cunvignis di Palaç Antonini.

In zonte la locandine cul program.

Cun di plui, in ocasion de Fieste de Patrie, aes 10.30 tal curtîl di Palaç Florio, prime di vierzi lis manifestazions dal program uficiâl, il relatôr de Universitât, prof. Furio Honsell, al scuvierzarà la targhe in lenghe furlane “Universitât dal Friûl” che e vignarà metude dongje di chê par talian te jentrade di Palaç Florio, sede dal retorât.