Une setemane che e dure dîs dîs. E je la Setemane de Culture Furlane, la rassegne dedicade ae storie, aes tradizions e ae identitàt de nestre tiere, coordenade de Societât Filologjiche Furlane cu la colaborazion di cetancj comuns, associazions, istituzions e pro locos.

Ancje la edizion 2021 di cheste manifestazion, daûr des regulis par fâi cuintri ae difusion de pandemie, si davuelç in modalitât virtuâl e in cheste maniere e pues coinvolzi di plui ancje i furlans che a son pal mont.

Il program al è une vore siôr e al ten dentri, tra lis altris, iniziativis in ricuart di personalitâts impuartantis pe culture furlane tant che Nicola Benois, Marcello d’Olivo, Gianni Cosetti, Antonio Feruglio, Dora Bassi, Giovanni Costantini, Giovanni Antonio Pilacorte, e di esperiencis storichis tant che la Academiuta di Cjasarse e la nassite dal gjornâl Patrie dal Friûl.

Intal cartelon a son ancje events in cont di musiche, piture, tradizions popolârs, teatri, leterature e presentazions di libris e filmâts.

Dutis lis informazion in cont de manifestazion e dai siei cetancj apontaments si cjatin li de direzion web www.setemane.it.