Il festival Corto a Muris al è une iniziative che si fâs di agns te suaze di Muris in festa par promovi la produzion cinematografiche, audiovisive e multimediâl amatoriâl e locâl.

Pe edizion 2023, che e je la numar 14, la Pro Loco di Muris, che e organize l’event, e à pensât a une biele novitât: il bant di chest an al previôt ancje un premi speciâl de ARLeF pal miôr curtmetraç in lenghe furlane.
Il premi al sarà la pussibilitât di partecipâ a une ativitât cu la scuadre dai fantats di YoupalTubo!

Par presentâ i lavôrs al è timp fin ai 25 di Avost, ma bisugne fâ la preiscrizion dentri dai 7 di Avost.

La premiazion di Corto a Muris e sarà domenie ai 3 di Setembar aes 20.45 inte curnîs de sagre paesane Muris in Festa a Muris di Ruvigne.

Il regolament complet cu la schede di iscrizion a son disponibii ca sot. Par informazions si pues scrivi a prolocomuris(at)gmail.com