A van dilunc i cors gratuits di lenghe furlane pai dipendents des aministrazions publichis, inmaneâts de bande dal Centri interdipartimentâl pal disvilup de lenghe e de culture dal Friûl (CIRF) de Universitât dal Friûl.

Il 1ⁿ di Jugn al tache il secont cors de stagjon, chel di nivel intermedi, che al larà dilunc fintremai ai 6 di Lui. 
Il cors al è dividût in dîs incuintris (il martars e la joibe des 14.30 aes 17.30 par un totâl di trente oris) e si fasarà in linie su la plateforme informatiche Microsoft Teams

Cheste ativitât formative e ven metude adun daûr de leç 482 dal 1999, par che i dipendents des aministrazions publichis a puedin cjapâ sù lis competencis linguistichis che a coventin par fâ il ben lôr mistîr di “civil servants” in linie cun ce che a previodin l'articul 6 de Costituzion de Republiche Taliane e lis leçs di tutele, a nivel statâl e regjonâl.

Al è ancjemò pussibil notâsi e par fâlu si à di contatâ la segretarie organizative dal CIRF al numar di telefon 0432 556480 o midiant la pueste eletroniche ae direzion cirf(at)uniud.it (segretarie dal CIRF) o sportel.furlan(at)uniud.it (Sportel pe Lenghe Furlane).

Il modul di iscrizion si pues discjamâ culì sot.