Rassegne Unvier 2025

Inte suaze di "Natale a Udine", l'Ufici pe Lenghe Furlane e la Associazion culturâl Inniò a presentin la seconde edizion de Rassegne Unvier, cun dôs seradis dedicadis ae gnove musiche furlane:

joibe ai 11 di Dicembar aes 20.45

Bumbuie

Paolo Forte e Leo Virgili, cui lôr struments, a puartaran il public intun viaç jenfri il repertori tradizionâl furlan e la libare improvisazion, tra tradizion e modernitât, filologjie e inovazion.

sabide ai 3 di Zenâr aes 20.45

Lusive la lune

Il Nadâl te musiche popolâr furlane intun percors tra ricercje e cjançon di autôr cun Trival (Alvise Nodale, Luca Boschetti, Veronica Urban) e diviers ospits (Davide Raciti, Nicole Coceancig e Franco Giordani), intun spirt di coralitât e fieste tipic dal Nadâl.

Tal ex cine Manzoni di Padier (vie Piemonte 82), jentrade libare fin che a son puescj.