Rassegne vicino / lontano mont in 5 comuns de Cjargne
La IV edizion de rassegne si tignarà tes zornadis dai 26 ai 29 di Setembar
Çurçuvint, Paluce, Ravasclêt, Sudri, Trep Liussûl: ta chescj cinc comuns cjargnei ae fin di Setembar si tignarà la cuarte edizion di Vicino/Lontano Mont, tal Cjanâl di San Pieri, un teritori siôr di storie, culture, biodiversitât e risorsis ambientâls, che al à patît pal slac vignût jù tal Dicembar dal an passât.
La rassegne di Sierade, dopo de anteprime che e je stade ae fin di Lui, e à par teme l'abitâ tal so sens plui slargjât e cun dute la sô nature problematiche, intun timp dulà che - in dutis lis Tieris Altis - il cambiament climatic e i disbilançs demografics a fasin sintî i lôr efiets in mût une vore evident. Culì un patrimoni paisagjistic e edilizi significatîf, dispès in stât di abandon, al comande une riflession su la relazion jenfri architeture e paisaç, jenfri nature e culture.
Ce vuelial dî vivi in mont: tes montagnis dal Friûl e inaltrò? Cualis sono lis motivazions e lis sieltis dai zovins che a decidin di fâlu? Cemût si puedino imagjinâ senaris gnûfs pal avignî des monts e dal nestri habitat intant che o sin ducj obleâts, là che o vivìn, a tornâ a pensâ al nestri rapuart cu la aghe, i boscs e i ecosistemis?
Vicino/lontano mont no rinunzie a vierzi spazis di riflession - jenfri lis monts e il mont - ator dai grancj temis dal presint: la crisi dal clime, lis migrazions, lis vueris, come chê che e va indevant dai 7 di Otubar dal an passât inte tiere di Israel e di Palestine. Procès che nus domandin di continuâ a interogâsi, sburtant il voli plui in là, par cirî di capî cemût conciliâ lis crisis dal presint cu la ricercje di un gnûf ecuilibri jenfri l’om e la sô storie, jenfri l’om e lis monts, jenfri l’om e il mont “naturâl".
La partecipazion a ducj i events de rassegne e je libare e sore nuie, daûr dai puescj disponibii.
26 di Setembar 2024 - aes 18.00 - Paluce – Glesie di Sant Jacum
Inaugurazion vicino/lontano mont 2024
26 di Setembar 2024 - aes 18.30 - Paluce – Glesie di Sant Jacum
Di aghe e di tiere. Migrazions e altris moviments
26 di Setembar 2024 - aes 21.00 - Trep Liussûl – Galarie di Art Moderne Enrico De Cillia
Italie salvadie
27 di Setembar 2024 - aes 09.00 - Sudri – Sale Polifunzionâl
Architeture e paisaç
27 di Setembar 2024 - aes 17.00 - Trep Liussûl – Galarie di Art Moderne Enrico De Cillia
Incjemò pai trois da mont: condividi azions e percors
27 di Setembar 2024 - aes 19.30 - Paluce – Tor Moscarde
Sui trois pe Europe
27 di Setembar 2024 - aes 19.30 - Trep Liussûl – Aree esterne de Biblioteche
Radio Connection Montagne/Mont
28 di Setembar 2024 - aes 09.30 - Sudri – Sale Polifunzionâl
La architeture dal len
28 di Setembar 2024 - aes 11.00 - Çurçuvint – Cjase Da Int
Lis fusilazions “pal esempli” te Prime vuere mondiâl. Gnovis ricercjis in cors
28 di Setembar 2024 - aes 15.00 - Çurçuvint – Cjase Da Int
Lis monts dentri de mont
28 di Setembar 2024 - aes 15.00 - Salârs di Ravasclêt – Cjasa da Duga
Distopiis
28 di Setembar 2024 - aes 17.00 - Ravasclêt – Sede de Protezion Civîl, Sale Events
Mont, montagne/mont. La crisi eco-climatiche cjalade di ca sù
28 di Setembar 2024 - aes 19.00 - Sudri – Aziende Agricule Claps e Fen
Italie smenteade. Dal declin ae rinassite des tieris altis e rimidis
28 di Setembar 2024 - aes 21.00 - Paluce – Cine Teatri Daniel
Salām /Shalom. Doi paris
29 di Setembar 2024 - aes 11.00 - Trep Liussûl – Galarie di Art Moderne Enrico De Cillia
Bau Gnao Coccodè. Cjantâ e zuiâ cu lis besteutis
29 di Setembar 2024 - aes 11.30 - Paluce – Parc de Tor Moscarde
Mandi Mandi. La trame e devente sun
29 di Setembar 2024 - aes 15.00 - Sudri – Ort di Sior Matie
La ecologjie profonde di Arne Næss, filosof e alpinist
29 di Setembar 2024 - aes 16.30 - Çurçuvint – Cjase Da Int
I piratis galiots e il tesaur scuindût
29 di Setembar 2024 - aes 20.30 - Ravasclêt – Place Divisione Julia
CONCIERT FINÂL. Citâts salvadiis, paisaçs musicâi
