InCuintriLûs, la prime vetrine dal audiovisîf in lenghe furlane
Vinars ai 28 di Novembar al Visionari di Udin in rassegne documentaris, fiction, animazion...
La prime edizion de Vetrine des produzions audiovisivis in lenghe furlane e je vinars ai 28 di Novembar te sale Eden dal cine Visionari, in vie Fabio Asquini 33 a Udin.
Des 3 dopomisdì aes 11 di sere a saran proietadis lis oparis di tredis autôrs, tra cjasis di produzion e regjiscj indipendents, intun percors che al travierse animazion par fruts, documentaris, seriis, finzion storichis, ritrats di autôr e teatri filmât.
La rassegne e je organizade de Associazion culturâl Maiè, cul contribût dal Comun di Udin e dal Consei Regjonâl dal F-VJ, e la colaborazion di RAI F-VJ, Centro Espressioni Cinematografiche e Club per l'Unesco di Udin.
Program uficiâl
- 15.00 – 15.30: RAI TV pai fruts cu la proiezion di "Juli Cunin", "Nine & Olghe", "Tip il surisin", "Sache Burache", "Zuin di nature" e "Pinocchio a Cjase Cocel";
- 15.30 – 15.45: par cure de ARLeF cu la proiezion di "Fruts – cartons animâts", "Horaci l’Inuit" e "Spiçut il Riçut";
- 15.45 – 16.15: Christian Canderan cu la proiezion di "Mosaics e terass";
- 16.15 – 16.55: Simone Vrech cu la proiezion di "La buse dai Siums";
- 16.55 – 17.15: Gianpaolo Scognamiglio cu la proiezion di "Il rinpìn" (estrat);
- 17.00 – 17.30: polse;
- 17.30 – 18.00: Marco Fabbro cu la proiezion di "Marcho" (estrat);
- 18.00 – 18.30: Marco D’Agostini cu la proiezion di "Int in Vore" e "SUNS Europe";
- 18.30 – 19.00: RAI pal Teatri Stabil Furlan – par cure di Arianna Zani cu lis proiezions di "Ce crodistu di fã?!", "In viaç cun lis pantianis e la machine dal timp", "Tant che Tupamaros" e "Spierdûts";
- 19.00 – 19.30: polse;
- 19.30 – 20.15: Spazi RAI TV – Seriis e documentaris par cure di Arianna Zani cun estrats di "Tal cûr dal parc di Sant Svualt", "Progetto Autismo", "TASTING ACADEMY", "Ami de dôs maris", "une fabriche", "Cuki – Pieris e colôrs";
- 20.15 – 20.45 – Anteprimis RAI:
- David Nicoloso – "Voltâ Vele"
- Stefano Giacomuzzi – "Natisa"
- Claudio Cescutti – "Faliscjis"
- Massimo Garlatti Costa – "Lingua Mater" (trailer), "Predis, la nazione negata", "Missus – L’ultima battaglia";
- 20.45 – 21.15: Ivo Pecile & Marco Virgilio cu la proiezion di "Dogne une val dapît dal Montâs";
- 21.15 – 21:30: Polse;
- 21.30 – 22.00: Giorgio Cantoni cuntun medley di "KeyDiMont", "Aganis" e "NatureVive";
- 22.00 – 22.55: Dorino Minigutti cu la proiezion di "STRAordenari – Remo Molaro" e "Altris Feminis – Carla Sirch"
Il furlan al è in moviment: l’audiovisîf, tant che forme di espression artistiche, al è un motôr culturâl, e la sorevivence des lenghis minoritariis e je une sfide di cjapâ sù cumò.
Plui o mancul 40 milions di personis a tabain une lenghe di minorance de Comunitât Europeane, ma tantis di chestis lenghis a son a riscjo di murî. Nol baste conservâlis e tutelâlis: bisugne proietâlis tal futûr.
Par cheste reson, i audiovisîfs a son il strument contemporani plui incisîf e decisîf par promovi e valorizâ la nestre lenghe. La Vetrine des produzions audiovisivis in lenghe furlane e presente al public un patrimoni culturâl vivarôs, che al merete di vê il ricognossiment che i spiete a une lenghe vive, buine di fevelâ di aspiets sociâi, di art e di complessitât.
Dut l'event al è sore nuie.
