Al è jessût il bant dal Concors leterari Glemone îr vuei doman
Al è rivât ae edizion numar XXVII - Al è timp fin ai 30 di Avost dal 2024 par mandâ i lavôrs
Il Comun di Glemone al bandìs la edizion XXVII dal concors intitulât ae memorie di pre Pieri Londar (Pietro Londero), par assegnâ il premi leterari in lenghe furlane “Glemone îr, vuei e doman”. Il concors si compon di trê sezions.
PRIME SEZION – intitulade a Enzo Forgiarini
Cui che al pues partecipâ: sezion vierte a ducj.
Sotsezion 1: une conte, su cjarte o suntun supuart digjitâl, numar massim di 40 pagjinis, cun caratar Times New Roman dimension 12.
Sotsezion 2: graphic novel, fumet, manga o prodots simii.
Contignût di dutis dôs lis sotsezions: teme libar in lenghe furlane indreçât a zovins o a adolessents (fasse di etât definide “young adult”, cirche 12-18 agns).
Premis: prin classificât de sotsezion 1: € 500,00; prin classificât de sotsezion 2: € 500,00.
SECONDE SEZION
Cui che al pues partecipâ: sezion vierte a ducj.
Sotsezion 1: multimediâl.
Sotsezion 2: no multimediâi (o ben, su cjarte o suntun supuart digjitâl).
Contignût di dutis dôs lis sotsezions: lavôr par furlan su la didatiche dal insegnament in lenghe furlane di cualsisedi materie/argoment intes scuelis de infanzie, primariis o secondariis di prin grât.
Premis: prin classificât de sotsezion 1: € 300,00; prin classificât sotsezion 2: € 300,00.
TIERCE SEZION
Cui che al pues partecipâ: scuelis.
Sotsezion 1: multimediâl.
Sotsezion 2: no multimediâi (o ben, su cjarte o suntun supuart digjitâl).
Contignût di dutis dôs lis sotsezions: lavôr di grup in lenghe furlane davuelt di arlêfs des classis des scuelis de infanzie, primariis o secondariis di prin grât sot de vuide di un insegnant, suntun teme di storie o di atualitât.
Premis
- un premi al è risiervât aes scuelis de infanzie: prin classificât sotsezion 1: € 300,00 - prin classificât sotsezion 2: € 300,00;
- un premi al è risiervât aes scuelis primariis: prin classificât sotsezion 1: € 300,00 - prin classificât sotsezion 2: € 300,00;
- un premi al è risiervât aes scuelis secondariis di prin grât: prin classificât sotsezion 1: € 300,00 - prin classificât sotsezion 2: € 300,00.
I lavôrs a varan di jessi mandâts par pueste racomandade A.R., o pûr consegnâts a man - tai oraris che i uficis a son vierts al public - al Ufici Protocol dal Comun di Glemone, cun segnât “Concors Glemone îr, vuei e doman”, dentri dai 30 di Avost dal 2024.
Plui informazions si cjatin sul sît dal Comun di Glemone o tal bant che si pues discjamâ culì sot.
![municipi di Glemone](/fileadmin/_processed_/8/4/csm_municipio-di-gemona-del-friuli_64765c49fd.jpg)