La Europe e clame e il Friûl al rispuint. E vicevierse. Il volum al presente une serie di conessions jenfri la realtât furlane, la dimension europeane e il procès di integrazion continentâl, tra rivendicazions di autoguvier, istancis di ricognossiment des specificitâts linguistichis e culturâls, politichis di tutele e garanzie di dirits fondamentâi, colaborazions istituzionâls e rêts di sogjets che a son espression di minorancis e nazionalitâts. La publicazion e da cont dai risultâts principâi dal progjet di ricercje Conessions. Lenghe, dirits, tutele, autoguvier e cooperazion tra Friûl e Europe / Lingua, diritti, tutela, autogoverno e cooperazione tra Friuli ed Europa.