Cu la leç n. 482 dal 1999, fate buine in atuazion dal articul 6 de Costituzion, la lenghe furlane e à viodûts ricognossûts a nivel nazionâl il so status e il so dirit ae tutele e valorizazion. In plui de sô valence sul plan sociolenghistic, chest aveniment al à vût ancje impuartantis consecuencis tal ambit de comunicazion, in particolâr di chê publiche tai siei diviers setôrs. Il volum al trate i aspiets e lis problematichis tal doprâ il furlan e altris lenghis minoritariis te comunicazion indreçade ae comunitât regjonâl, e al è il prodot di une sperimentazion formative. Al met adun lis tematichis vignudis fûr tai cors di prin e secont nivel di “Comunicare in lingua friulana/Comunicâ in lenghe furlane”, realizâts dal Centri Interdipartimentâl di Ricercje su la culture e la lenghe dal Friûl (CIRF) de Universitât di Udin. I prins doi cjapitui a contin la storie e a analizin lis problematichis e lis potenzialitâts de comunicazion in lenghe furlane dentri dal panorame complès de societât globalizade moderne. Il tierç cjapitul al ilustre i lineaments essenziâi de gramatiche e de grafie de lenghe furlane.

Titul: Comunicare in lingua friulana / Comunicâ in lenghe furlane
Curadôrs: Franco Finco e Alessandra Montico
Editôr: Forum
Lûc di publicazion: Udin
An di publicazion: 2010
Golaine: Cuaders dal CIRF
Dimensions: cm 17x24; pagjinis 136
ISBN: 978-88-8420-631-2