Proiezion cine Incanto e cerimonie consegne atestâts cors di furlan

Vinars ai 20 di Dicembar dal 2019, aes 6 sot sere, Aule Pier Paolo Pasolini, Palaç Garzolini-di Toppo Wassermann

In Ateneu la proiezion di “Incanto”

In ocasion de consegne dai atestâts dai cors di furlan fats vie pal 2019, il Centri Interdipartimentâl pal Svilup de Lenghe e de Culture dal Friûl (CIRF) dal Ateneu al à inmaneât un incuintri par ricuardâ un dai protagoniscj de sene culturâl furlane dal Nûfcent: pre Gjilbert Pressac.

Vinars ai 20 di Dicembar, di fat, aes 6 sot sere, inte aule Pier Paolo Pasolini di Palaç Garzolini-di Toppo Wassermann, al vignarà proietât “Incanto”, un cine di Marco D’Agostini che nus mene, in gracie des vôs di cualchi testemoni, sui trois segnâts dal pinsîr di pre Pressac, intune sorte di viaç di scuvierte midiant de ricercje storiche e des intuizions di chest personaç caleidoscopic. Ae fin de proiezion, il regjist al vignarà intervistât di Pauli Cantarut.

Il film al è stât produsût di Agherose e de associazion culturâl don Gilberto Pressacco, cu la poie di

Fonts Audiovisîf F-VJ, Fondazion Aquilee, Fondazion Friuli, Societât Filologjiche Furlane, Universitât dal Friûl e CIRF. Jentrade sore nuie.