Premi “San Simon”, pe edizion numar 42 a concorin contis e curtmetraçs
Lis datis ultimis par presentâ lis candidaturis a son chês dai 30 di Jugn pai scrits e dai 20 di Setembar pai audiovisîfs
Ancje par chest an il Comun di Codroip, cu la colaborazion de Agjenzie Regjonâl pe Lenghe Furlane (ARLeF), de Societât Filologjiche Furlane, dal Istitût Ladin Furlan Pre Checo Placerean e dal Ent Friuli nel Mondo, al bandìs il concors pe assegnazion dal Premi Leterari in Lenghe Furlane “San Simon”, rivât ae 42me edizion e dedicât ae memorie di Agnul di Spere.
La date ultime pe presentazion dai lavôrs e je chê dai 30 di Jugn a misdì pes contis e dai 20 di Setembar a miezegnot pai curtmetraçs.
La proclamazion dal autôr vincidôr e di chei che a àn meretade une segnalazion, si le fasarà te zornade di San Simon, joibe ai 28 di Otubar dal 2021.
Si pues discjamâ il bant culì. Par vê plui informazions, si pues scrivi a cheste direzion di pueste eletroniche.
