Aller au contenu principal

Cors gratuits di lenghe furlane pai dipendents des aministrazions publichis, ai 16 di Mai al tache chel di nivel intermedi e al è ancjemò cualchi puest par notâsi

A van dilunc i cors gratuits di lenghe furlane pai dipendents des aministrazions publichis, inmaneâts de bande dal Centri interdipartimentâl pal disvilup de lenghe e de culture dal Friûl (CIRF) de Universitât dal Friûl.

Ai 16 di Mai al tache il secont cors de stagjon, chel di nivel intermedi, che al larà dilunc fintremai ai 15 di Jugn
Il cors al è dividût in dîs  incuintris (il lunis e il miercus cun orari 15.00-18.00 par un totâl di trente oris) e si fasarà  in linie su la plateforme informatiche Microsoft Teams

Cheste ativitât formative e ven metude adun daûr de leç 482 dal 1999, par che i dipendents des aministrazions publichis a puedin cjapâ sù lis competencis linguistichis che a coventin par fâ il ben lôr mistîr di “civil servants” in linie cun ce che a previodin l'articul 6 de Costituzion de Republiche Taliane e lis leçs di tutele, a nivel statâl e regjonâl.

Al è ancjemò pussibil notâsi. par chel al covente contatâ la segretarie organizative dal CIRF al numar di telefon 0432 556480 o midiant la pueste eletroniche ae direzion cirf(at)uniud.it (segretarie dal CIRF) o sportel.furlan(at)uniud.it (Sportel pe Lenghe Furlane). 

Il modul di iscrizion si pues discjamâlu culì.

Indaûr