La Universitât dal Friûl e à screât l'an academic 2021-2022

Vuê, lunis ai 15 di Novembar, li dal Teatri Gnûf Zuan di Udin, e je stade fate la cerimonie di scree dal 44n an academic 2021-2022 de Universitât dal Friûl.
Dopo de jentrade dal corteu academic, al à cjapât la peraule il retôr dal Ateneu, Robert Pinton, cu la sô relazion. Dopo di lui i intervents dal rapresentant dai students, Riccardo Ferrarese, e de rapresentante dal personâl tecnic aministratîf, Francesca Giannelli.
Cun di plui a son intervignûts il sindic di Udin, Pietro Fontanini, il president de Regjon Friûl-VJ, Massimiliano Fedriga, e il president dal Istitût superiôr di sanitât, Silvi Brusaferro.
La cerimonie e je lade indenant cul conferiment de lauree magjistrâl honoris causa in Comunicazion multimediâl e tecnologjiis de informazion a Franco Gabrielli, sotsegretari di Stât ae Presidence dal Consei dai ministris.
L'event si è concludût cul cjant tradizionâl dal Gaudeamus, fat de orchestre e dal côr “G. Pressacco” de Universitât dal Friûl.