Skip to main content

Al è jessût 'Storia del Friuli e dei Friulani', il libri gnûf di Walter Tomada. Vinars ai 25 di Març a Udin la prime presentazion

Storia del Friuli e dei Friulani al è un libri par talian ma al promet di contâ la storie dal Friûl cuntune vision furlane e  par chel cence prejudizis e sghindant lûcs comuns. Une spiete di cheste fate e diven dal non dal so autôr, l'innomenât studiôs, professôr, scritôr e gjornalist di Tarcint, Walter Tomada, di passe doi agns ancje diretôr da La Patrie dal Friûl.

Il volum, che al salte fûr cul editôr Biblioteca dell'Immagine, al è un viaç lunc e apassionant intal timp, risultât di agns di studi, di ricercje e di scriture. 

Il libri al vignarà presentât pe prime volte vinars ai 25 di Març a 6 sot sere li de librarie Moderna a Udin. In chê ocasion a dialogaran cun Walter Tomada il scritôr e autôr des ilustrazions che si cjatin tal libri, Massimiliano Santarossa, e il diretôr di Radio Onde FurlaneMauro Missana,

La jentrade libare e gratuite, daûr des normativis antiCovid in vore. 
Par informazion e prenotazions si pues clamâ il 0432/504284 o scrivi a .

Indietro