Aller au contenu principal

Ûs publics des lenghis di minorance, ai 12 di Novembar une cunvigne a Caprive

La Assemblee de Comunitât Linguistiche Furlane (ACLiF) e inmanee la cunvigne dal titul 'Il Furlan e altris lenghis minoritariis te aministrazion publiche'.
Vie pal incuintri si fevelarà dal ûs de lenghe furlane inte aministrazion publiche: al vignarà fat il pont de situazion di cumò e si resonarà ancje in prospetive, lant daûr dal confront cun cualchidune di chês altris comunitâts linguistichis minorizadis intal Stât talian.

L'apontament al è par doman, Vinars ai 12 Novembar a 5 e mieze dopomisdì li di Villa Russiz a Caprive.

Si pues partecipâ in presince (al covente notâsi cuntun messaç direzion aclif(at)valvasonearzene.it e si à di vê la certificazion verde) o ben in rêt, su la pagjine Facebook e sul canâl  YouTube de ACLiF.

Indaûr