A son ancjemò pôcs dîs par partecipâ al concors di poesie Vittorio Cadel
La scjadince e je ai 31 di Mai
La Pro Loco Fanna APS, cul patrocini dal Comun di Fane, de Societât Filologjiche Furlane, dal Ente Friuli nel mondo e dal Comitât regjonâl UNPLI dal Friûl - Vignesie Julie e bandìs la setime edizion dal concors di poesie intitulât al poete e pitôr Vittorio Cadel.
Il concors al è destinât ai autôrs dal Friûl - Vignesie Julie e ai furlans che a vivin tal forest.
Il teme al è libar e i componiments a àn di jessi inedits, in lenghe taliane o furlane o pûr inte variante furlane locâl, e a àn di vê la traduzion.
La scjadince par partecipâ e je fissade ai 31 di Mai dal 2023.
