CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Zornadis Europeanis des Lenghis 2007

Ai 26 di Setembar dal 2001 il Consei di Europe al à istituît la Zornade Europeane des Lenghis, cu la volontât di promovi l'aprendiment des lenghis e la diviersitât linguistiche. Il Friûl, teritori unic in Europe dulà che si cjatin dutis trê lis çocjis linguistichis continentâls principâls, si candide a sei pardabon un vêr laboratori di incuintri e di confront sul teme de identitât linguistiche. Al è par chest che ancje chest an la Universitât dal Friûl, l’ARLeF, la Regjon Autonome Friûl Vignesie Julie, la Provincie di Udin, il Comun di Udin e la Societât Filologjiche Furlane in colaborazion cu la Provincie di Gurize e il Comun di Cormons a àn promovût cheste manifestazion, savint che dome in gracie de colaborazion un cun chel altri e dal confront sistematic si pues valorizâ pal miôr la pluralitât linguistiche di un teritori. In zonte il file in formât PDF cul calendari dai events che si davuelzaran, in puescj e moments diferents, tal periodi che al va dai 25 di Setembar ai 5 di Otubar dal 2007. O invidìn cun plasê ducj i interessâts a partecipâ ae iniziative.

DOCUMENTS