CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Taule taronde: "Studiâ pal Friûl"

In ocasion de fieste de Patrie dal Friûl, che e memoree il 3 Avrîl dal 1077, il Centri Interdipartimnetâl di Ricercje su la culture e la lenghe dal Friûl, (Cirf) de Universitât dal Friûl, in colaborazion cu la Provincie di Udin e la Regjon Friûl Vignesie Julie, al organize la taule taronde "Studiâ pal Friûl". Apontament martars ai 3 di Avrîl des 14.30 aes 18.30 inte sale Florio di palaç Florio, in vie Palladio 8 a Udin.

L'incuintri al fasarà il pont su lis strategjiis dal Ateneu pal cressi culturâl, linguistic e sientific dal Friûl, sui studis e su lis ricercjis realizadis su la fonde des leçs 482/99 e 15/96 e sul sportel in lenghe furlane de Universitât. A fevelaran il retôr Furio Honsell, il president de Provincie di Udin Marzio Strassoldo e l'assessôr regjonâl ae Istruzion e culture, Roberto Antonaz.

Al auditorium Zanon, aes 20.45, al larà in sene, cun jentrade libare, il spetacul "Il Friuli", di Pier Paolo Pasolini, par cure de associazion teatrâl Elzeviro, cun Luca Altavilla e Paolo Grimaz.