CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Pre Gjilbert Presacc: il gjeni e la ricercje

Presentazion dal volum dai Cuaders dal CIRF dedicât a pre Gjilbert Pressac

Pre Gjilbert Pressac: il gjeni e la ricercje

Il CIRF de Universitât dal Friûl al ricuarde pre Gjilbert Pressac, om di culture e mestri che cu la sô passion e cognossince al à rindût onôr e merit ae tiere furlane. Vinars ai 21 di Setembar, cun di fat, te sale cunvignis “Roberto Gusmani” di Palaç Antonini e vignarà presentade la publicazion “Pre Gjilbert Pressac: gjeni e ricercje jenfri storie de musiche e cristianisim di Aquilee”, che e cjape dentri riflessions saltadis fûr tal 2017, in ocasion dai vincj agns de muart. Tal volum, il setim de golaine “I cuaders dal CIRF” publicade de Forum, si puedin cjatâ contribûts di Fabio Alessi, Sandro Azaele e Remo Cacitti, sedi par talian che par furlan, in gracie de traduzion par cure dal sportel pe lenghe furlane dal CIRF. L’event al tacarà a 5 e mieze daspò misdì; in plui dai autôrs, e sarà presinte ancje la corâl dal Ateneu, che l’an passât e je stade dedicade cun cerimonie uficiâl propit a pre Gjilbert Pressac. Un tai in compagnie al sierarà la iniziative, che e je stade inmaneade dal Centri Interdipartimentâl pal svilup de lenghe e de culture dal Friûl cu la colaborazion de associazion culturâl “don Gilberto Pressacco”.

DOCUMENTS