CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Buteghis dal savê/ Botteghe del sapere

dai 27 ai 30 di Jugn dal 2018, te suaze di Cognossince in fieste

Savês e savôrs par furlan par “Cognossince in fieste”

Ancje chest an ae fin di Jugn e torne “Conoscenza in festa”, la manifestazion inmaneade de Universitât dal Friûl cun chê di fâ il pont de situazion sul stât de cognossince in Italie. Il teme di fonde di cheste cuarte edizion, che si davuelzarà dai 27 ai 30 di Jugn in diviersis placis e puescj di Udin, al è chel de inovazion digjitâl tal mont de scuele e de universitât. Jenfri i cetancj apontaments e dibatiments, a son in program ancje cuatri incuintris – un par ogni zornade – par cure dal CIRF, indulà che si fevelarà di progjets di ricercje peâts al teritori, ai savês e ai savôrs dal Friûl.

Si tache ai 27 di Jugn, a 4 e mieze daspò misdì, li de enoteche La Bottega del vino (vie Deganutti 11), cul intervent de ricercjadore Eleonora Aneggi e dal professôr Daniele Goi “Dal aur blu al cicli idric integrât”, su la tutele e l’ûs cussient di un dai bens fondamentâi dal mont, ven a stâi la aghe.

La dì dopo, a 6 sore sere, li di Tonello Casa (vie Cosattini 34), il professôr Rino Gubiani al fevelarà dal troi celest, il percors di pelegrinaç che al passave ancje pal Friûl e che cumò si è daûr a riscuvierzilu.

Te conference dai 29 di Jugn, simpri a 6 sore sere ma li dal Quinto Recinto (slarc dai Pecile 3), la professore Lucilla Iacumin adun cun Giuseppe Comi e scandaiarà il salam a nivel microscopic, viodint l’efiet causionât dai microbis.

L’ultin apontament, invezit, si fasarà ai 30 di Jugn, a 10 e mieze a buinore li de Coop Alleanza 3.0 (vie Bassi 12), cul professôr Edi Piasentier e Saida Favotto che a fevelaran di “Persut a gustâ”, su lis tecnichis di preparazion dal persut e su la cualitât di chest prodot nostran.

In zonte la locandine e il volantin pe promozion.

Par plui informazions su “Conoscenza in festa”, fracait chest link: https://www.uniud.it/it/ateneo-uniud/ateneo-uniud/conoscenza-in-festa