CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Josef Marchet

Josef Marchet (pre Bepo Marchet)

 

pre bepo.jpg

 

Predi, insegnant, lenghist, storiograf, leterât, storic e critic da la art

(Glemone 1902 - Udin 1966)


Daspò di vê cjapât la lauree in teologjie, tal 1935 si indotorà in Letaris classichis e modernis ae Catoliche di Milan. Al insegnà Letaris tal Seminari, tal Liceu Classic e tal Istitût Magjistrâl di Udin e a Tumieç. Tal 1944 al fo mandât al confin politic fassist e daspò de vuere al fo l'ispiradôr dal grup poetic Risultive.
Par agns al fo la anime dal ferbint setemanâl "Patrie dal Friûl", unic periodic publicât da i dut par furlan, che al sustignive la autonomie regjonâl intun ambient pal plui contrari. Dal 1961 fin ae muart, al à ancje direzût la riviste "Sot la nape".
Al à scrit une fondamentâl gramatiche storiche de lenghe furlane; al à "scuvierte" la sculture in len furlane; al à tornât a lei la storie regjonâl cence condizionaments e prejudizis nazionalistics. Ancje se nol fo un artist pûr, al à scrit intun furlan esemplâr: nissun, ni prin ni daspò, al à paronât la lenghe tant che lui.

Si à di vê iniment fra lis sôs oparis plui impuartantis:
  • Lineamenti di grammatica friulana, Udine 1952 e 1967;
  • G. M. e G. Nicoletti, La scultura lignea in Friul, 1956;
  • Friuli. Uomini e tempi, Udine 1959 e 1974;
  • Cuintristorie dal Friûl, Udine 1974.