CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Cors di lenghe furlane – autun 2016

Un cors par miorâ il contat de Aministrazion Publiche sul teritori furlan

Il Centri interdipartimentâl di ricercje su la culture e la lenghe dal Friûl (CIRF) de Universitât dal Friûl al inmanee dai cors gratuits di lenghe furlane pal personâl dipendent de Aministrazion Publiche.

Par l’autun dal 2016 a son proponûts doi cors: un di nivel di fonde o pûr nivel intermedi e un “Comunicâ in lenghe furlane”. La ativitât formative e varà une durade di 30 oris par cors e si davuelzarà in spazis adats dal Pôl Umanistic dal Ateneu di Udin. Ai corsiscj che a varan frecuentât almancul l’80% des oris, sostignint cun esit positîf l’esam finâl, al sarà dât fûr un atestât di frecuence cun merit.

Cun di plui, a ducj i partecipants e sarà consegnade za dal imprin une copie gratuite dal gnûf manuâl “La grafie uficiâl de lenghe furlane”, di resinte publicazion da la ARLeF.

La iniziative e je realizade cui fonts de leç 15 Dicembar 1999, n. 482, par la tutele des minorancis linguistichis storichis e e rapresente une ocasion impuartante par i dipendents publics che a lavorin sul teritori e a àn passion di miorâ lis lôr competencis e lis relazions cul public.

Si pues notâsi par mieç de pueste eletroniche scrivint ae segretarie dal CIRF cirf@uniud.it o pûr al tutor serena.fogolini@uniud.it o inviant il modul di iscrizion vie fax al 0432/556481, dentri dai 27 di Setembar dal 2016.

Par altris informazions si pues clamâ la segretarie dal CIRF ai numars 0432 556480 – 0432 556486, o pûr scrivi une e-mail a cirf@uniud.it o a serena.fogolini@uniud.it