CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

A son rivadis lis Gnovis in Uniud

Il gnûf notiziari bimensîl par cure dal sportel pe lenghe furlane

Biadelore, daspò 10 agns, al Centri Interdipartimentâl pal svilup de lenghe e de culture dal Friûl – CIRF – al è tornât in vore il sportel pe lenghe furlane. Jenfri i compits de sporteliste, di là dal contat cui utents, dal inzornament dal sît internet, des traduzions specialistichis par ents e associazions e dal supuart ae segretarie dal CIRF, e je ancje la realizazion dal boletin bimensîl "Gnovis in Uniud", che al cjape dentri notiziis e articui su lis ativitâts dal CIRF e, plui in gjenerâl, sui events e lis manifestazions peâts ae culture e ae lenghe furlane. Il notiziari "Gnovis in Uniud", stampât tun numar limitât di copiis, si pues domandâlu al CIRF, lant di persone li de segretarie al prin plan dal numar 6 di vie Tarcisio Petracco , o pûr si pues scjamâlu in version digjitâl te sezion "Sportel pe lenghe furlane" di chest sît.