CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Cerimonie pe consegne dai atestâts dai cors dal 2016

Articul su la cerimonie di consegne dai atestâts dai 23 di Dicembar dal 2016, Cjase Solari - Universitât dal Friûl

In dut, tal 2016 a son stadis 43 lis iscrizions ai cors gratuits di lenghe furlane inmaneâts dal Centri Interdipartimentâl pal svilup de lenghe e de culture dal Friûl (Cirf) de Universitât dal Friûl. I cuatri percors di formazion, ven a stâi nivel di fonde, fonde/intermedi, intermedi e il cors "Comunicâ in lenghe furlane", a son stât metûts in pîts in gracie ae Leç 482/99, pe tutele des minorancis linguistichis storichis. Il finanziament al previôt che chescj cors a sedin nome pai dipendents de publiche aministrazion. In chest câs, ju àn frecuentâts i dipendents de Universitât dal Friûl, e altris ents publics, tant che la Regjon FVJ, la Aziende Sanitarie, Aci di Udin, Cjamare di Cumierç di Udin, personâl ATA des scuelis. La cerimonie ae conclusion dai cors, indulà che a son stâts consegnâts i atestâts, si è tignude te sede di Cjase Solari de Universitât dal Friûl, cun intervents dal diretôr dal Cirf, Enrico Peterlunger, dal president de ARLeF, Lorenzo Fabbro, e dai docents dai cors, Fabio Boltin e Marco Stolfo. Al jere presint ancje Diego Navarria, president de Assemblee de comunitât linguistiche furlane. Di ducj i partecipants, 32 a àn cjapât part aes lezions cun regolaritât (30 oris par ogni cors) e a àn rivât adore a otignî il titul finâl, passant l'esam di fin cors e frecuentant in cualchi câs ancje plui di un cors di nivel diviers. Lis lezions si son davueltis tal Istitût comprensîf di Spilimberc (nivel intermedi) a Fevrâr-Març e a Otubar-Dicembar te sede dal Pôl Umanistic dal Ateneu, tai Palaçs Antonini e Florio. Ducj i partecipants a àn vût in omaç, a pene tacât il cors, une copie dal gnûf manuâl "La grafie uficiâl de lenghe furlane”, di pôc publicât de ARLeF, Agjenzie Regjonâl pe lenghe furlane.
Ve ca i nons dai corsiscj che a àn meretât l'atestât: Karim Ambrosini, Maria Assunta Avallino, Cristina Basso, Paola Bonafede, Federica Bulliano, Flavio Cais, Paolo Cedarmas, Cinzia Collini, Daniele Cossa, Adis Cossetti, Annunciata Cossetto, Maria De Colle, Enzo Gregoris, Antonia Lenoci, Roberto Not, Marina Pellis, Duccio Papini, Martina Picco, Luigi Pitussi, Maria Piussi, Patrizia Podrecca, Sergio Rizzi, Cecilia Sabbatini, Luca Sant, Francesca Santi, Giovanna Sgro, Nadia Sitar, Dino Zuccolo.

(Yes!Comunica, 23 DICEMBRE 2016)

[Voltât par furlan de sporteliste pe lenghe furlane, Serena Fogolini]