CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Sportel pe lenghe furlane

Daspò 10 agns, il sportel pe lenghe furlane al è tornât in vore ancje te Universitât dal Friûl. Il servizi, inviât in gracie dai finanziaments de Leç 482/1999, al à tacât cul mês di Avrîl e al larà indenant fin ae fin di Novembar.

Jenfri i compits dal sportel, al di là dal servizi al public, e je previodude la consulence a ents publics e associazions te traduzion di tescj in lenghe furlane, daûr des regulis de grafie uficiâl.

Il sportel si cjatilu tai uficis dal CIRF, Palaç Antonini, in vie Tarcisio Petracco 6, Udin, di lunis a miercus. Par informazions si pues clamâ al numar 0432 556486 o pûr mandâ un messaç di pueste eletroniche a sportel.furlan@uniud.it.