CIRF - Centro Interdipartimentale di Ricerca sulla Cultura e la Lingua del Friuli

Centro Interdipartimentale per lo sviluppo della lingua e della cultura del Friuli “Josef Marchet

Servizis

Al Cirf a son benvignûts no dome i students e i professôrs de Universitât furlane, ma ben dutis lis personis che a vuelin consultâ tescj e rivistis de nestre biblioteche, vê informazions sui nestris cors e iniziativis, su la lenghe e su la culture de nestre regjon, sul insegnament dal furlan tes scuelis e te Universitât, su lis publicazions in lenghe furlane, su la pussibilitât di lavorâ doprant la nestre lenghe, su lis normis di tutele des minorancis linguistichis storichis in vore in Italie, sui progjets finanziâts in gracie de Leç 482/99 (che si riferìs juste apont ae tutele des minorancis linguistichis storichis su scjale nazionâl) e de Leç regjonâl 15/96, su la vite dal Ateneu fevelant (o scoltant chei che a fevelin) par furlan.

Il Diretôr dal Centri al è il Prof. Enrico Peterlunger, la Responsabile de Unitât Aministrative e je Ottavia Zanzotti, chê de Unitât Operative, invezit, e je Dolores Miotto

Tai nestris uficis si puedin consultâ dizionaris (ancje virtuâi e tecnics e di setôr) e si pues vê une man pes tesis di lauree e scrits in grafie furlane normalizade, si pues savê ce che a fasin chei altris ents e associazions te suaze de cinematografie, editorie e culture dal Friûl. Sul sît si pues cjatâ une rassegne stampe par tignîsi inzornâts sui events plui impuartants peâts ae culture e ae lenghe furlane.

In dì di vuê, te sede dal Cirf si puedin ancje vê libris e publicazions in lenghe furlane, che a vegnin dâts fûr tant che materiâl promozionâl a chei che si notin ai nestris cors e a chei che a mostrin di pandi la lenghe furlane.

Us spietìn!